Коронавирус пандемияси даврида кичик корхона ва микрофирмалар учун ижтимоий солиқ ставкаси пасайтирилди

Коронавирус пандемияси даврида иқтисодий ўсиш ва инвестициявий фаолликни рағбатлантириш, ишлаб чиқариш суръатларини тиклаш, аҳоли бандлигини ошириш, даромадларини кўпайтириш ва тадбиркорлик субъектларини қўллаб-қувватлаш мақсадида Ўзбекистон Республикаси Президентининг 2020 йил 18 майдаги “Коронавирус пандемияси даврида аҳоли ва тадбиркорлик субъектларини қўллабқувватлаш бўйича навбатдаги чоратадбирлар тўғрисида” ПФ-5996-сонли Фармони қабул қилинди.

Мазкур Фармоннинг 4­бандига асосан 2020 йилнинг 1 майидан 1 июлигача бўлган даврда микрофирма ва кичик корхоналарга ижтимоий солиқ ставкаси 12 фоиздан 1 фоизгача камайтирилди.

Маълумот учун:

Корхонанинг микрофирма ва кичик корхона тоифасига мансублиги Вазирлар Маҳкамасининг 2016 йил 24 августдаги “Иқтисодий фаолият турларини таснифлашнинг халқаро тизимига ўтиш чора-тадбирлари тўғрисида”ги 275-сонли Қарорининг 1-иловасида (кичик тадбиркорлик субъектларига тегишли бўлган ташкилотларнинг ИФУТ асосида такомиллаштирилган таснифлагичи) белгиланган мезонлардан келиб чиққан ҳолда аниқланади.

Жорий йилнинг май-июнь ойларида камайтирилган солиқ ставкаси қўлланиладиган иш ҳақи жамғармаси суммаси жисмоний шахслардан олинадиган даромад солиғи ва ижтимоий солиқ ҳисоботининг 011-сатри 6-устунида акс эттирилади.

Диққат:

Мазкур солиқ ставкаси қуйидаги юридик шахсларга нисбатан татбиқ этилмайди:

– акцизости товарлар ишлаб чиқарувчилар;

– давлат корхоналари ва устав жамғармасида (устав капиталида) давлат улуши 50 фоиз ва ундан юқори бўлган юридик шахслар.

Мисол. Корхонанинг меҳнатга ҳақ тўлаш жамғармаси 2020 йил январь-апрель ойларида 40 000 000 сўм, май-июнь ойларида 20 000 000 сўмни ташкил этди (бир ойга 10 000 000 сўм).

Ижтимоий солиқ суммаси:

– январь-апрель ойлари учун 4 800 000 млн. сўм (40 000 000 х 12%);

– май-июнь ойлари учун 200 000 минг сўмни (20 000 000 х 1%) ташкил этмоқда.

Солиқ ҳисоботида акс эттириш тартиби

(Давлат солиқ қўмитасининг 2020 йил 28 январдаги “Солиқ ҳисоботининг шаклларини тасдиқлаш тўғрисида”ги қарорига 9-илова, Адлия вазирлиги томонидан 2020 йил 24 февраль куни 3221-сони билан рўйхатга олинган МВ ва ДСҚ қарорига 4-илова):

ЖИСМОНИЙ ШАХСЛАРДАН ОЛИНАДИГАН ДАРОМАД СОЛИҒИ ВА ИЖТИМОИЙ СОЛИҚ ҲИСОБ-КИТОБИ

(йил бошидан ўсиб борувчи тартиб билан тўлдирилади)

Изоҳ.

1) Январь-апрель ойлари учун ҳисобланган меҳнатга ҳақ тўлаш тарзидаги даромадлар 011-сатрнинг “Умумбелгиланган ставка бўйича” номли 5-устунида акс эттирилади ҳамда 050-сатрнинг 5-устунидаги солиқ ставкасига “12” қўйилади.

2) Май-июнь ойлари учун ҳисобланган меҳнатга ҳақ тўлаш тарзидаги даромадлар 011-сатрнинг “Бошқа ставкалар бўйича” номли 6-устунида акс эттирилади ҳамда 050-сатрнинг 6-устунидаги солиқ ставкасига “1” қўйилади.

Ойбек АЗИМБАЕВ,
ДСҚ Юридик шахсларга хизмат кўрсатиш бошқармаси бош инспектори.


TELEGRAM: 👉https://t.me/soliq_plus

🔰FACEBOOK: https://fb.com/Soliqplusuz



Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Условия использования материалов: Все права защищены законами Республики Узбекистан о средствах массовой информации и об авторском праве и смежных правах.

1) Необходимо поставить голубой линк к слову «Soliq plus / Налоги плюс» и направить на наш телеграм канал https://t.me/soliq_plus
2) Неосведомленность об этих правилах не освобождает от ответственности, зафиксированной в соответствующих законодательных актах.